Амбасада Швецыі ў Мінску цалкам спыніла сваю працу

Амбасада Швецыі ў Беларусі цалкам спыніла сваю працу ў Мінску 30 жніўня. Тэлефоны дыпламатычнага прадстаўніцтва не адказваюць, шведскія дыпламаты пакінулі Беларусь, як таго патрабаваў беларускі бок.

Аналагічныя дзеянні зробленыя і беларускім бокам, паведамляе сайт Naviny.by. Указ аб вызваленні ад пасады пасла Беларусі ў Швецыі Андрэя Грынкевіча быў падпісаны Аляксандрам Лукашэнкам яшчэ 23 жніўня.

Нагадаем, што з 20 жніўня інтарэсы Швецыі ў візавых пытаннях у Беларусі прадстаўляе амбасада Эстоніі ў Мінску. З 1 верасня консульскі ўлік грамадзянаў, якія стаялі на ўліку ў амбасадзе Беларусі ў Стакгольме, будзе ажыццяўляць беларускае дыпламатычнае прадстаўніцтва ў Латвіі.