Семінар "Асвятленне праблем захавання і інтэрпрэтацыі мультыкультурнай спадчыны Беларусі ў СМІ"

Яўрэйскі гістарычны інстытут у Польшчы (Żydowski Instytut Historyczny w Polsce) і Беларускае добраахвотнае таварыства аховы помнікаў гісторыі і культуры пры падтрымцы агульнанацыянальнай праграмы “Будзьма беларусамі” ладзяць навучальны семінар для журналістаў “Асвятленне праблем захавання і інтэрпрэтацыі мультыкультурнай спадчыны Беларусі  ў сродках масавай інфармацыі”, які адбудзецца 13-14 верасня 2012 года.

Запрашаюцца да ўдзелу супрацоўнікі сродкаў масавай інфармацыі рознай формы ўласнасці і незалежныя журналісты.

Праблемы і накірункі семінара:

1. Праблемы папулярызацыі гісторыка-культурнай спадчыны ў мультыкультурных асяродках.

2. Нацыянальныя нарматыўна-прававыя і міжнародныя метадычныя дакументы ў сферы аховы гісторыка-культурнай спадчыны.

3. Методыка працы па выяўленню, фіксацыі помнікаў і распрацоўкі прапаноў па наданню матэрыяльным аб’ектам статуса гісторыка-культурнай каштоўнасці.

4. Дзяржаўна-грамадскае партнёрства ў сферы аховы гісторыка-культурпнай спадчыны.

5. Ахова і папулярызацыя гісторыка-культурнай спадчыны, як сродак міжкультурнага дыялогу.

Заняткі будуць праводзіцца спецыялістамі ў галіне журналістыкі і гісторыка-культурнай спадчыны з Польшчы і Беларусі.

Заяўкі на ўдзел у семінары прымаюцца да 5 верасня 2012 года.

Заяўкі дасылаць на адрас электроннай пошты: [email protected]. Кантактнае ліцо: Антон Астаповіч, старшыня ГА "БДТАПГК".

У заяўцы пазначаць  імя, прозвішча, месца жыхарства (населены пункт), месца працы, кантакты (тэлефон, адрас электроннай пошты).

Даведкі па тэлефоне: (+375 29) 1117332.