Новы інтэрнэт-рэсурс для студэнтаў “Студэнцкі навінавы канал 17/11”

“Студэнцкі навінавы канал 17/11” - гэта інфармацыйная пляцоўка ў Інтэрнэце, якая створана для інфармавання беларускіх студэнтаў аб дзейнасці незалежных студэнскіх арганізацый і ініцыятыў, пра навіны беларускіх унівэрсітэтаў, а таксама аб правах студэнтаў і выпадках іх парушэнняў.

Стваральнікі рэрусра лічаць, што кожны студэнт павінен навучыцца крытычна мысліць і браць адказнасць за свае ўчынкі. На інтэрнэт-пляцоўцы “Студэнцкі навінавы канал 17/11” актыўныя студэнты атрымаюць магчымасць знайсці аднадумцаў, каб разам вырашыць агульныя праблемы. Галоўнае - ўдзельнічаць у развіцці "Студэнцкага навінавага канала 17/11". Асноўны лозунг канала: “Забаронена забараняць!”

“Студэнцкі навінавы канал 17/11” - гэта таксама канал, які найперш накіраваны на развіццё існуючых і будучых студэнскіх арганізацый і ініцыятыў. Калі вы прымаеце ўдзел у студэнскай арганізацыі альбо ініцыятыве, не важна вялікай ці маленькай, і хочаце расказаць пра мерапрыемствы, якія вы робіце - пішы на пошту рэдакцыі “17/11” і пра вашую дзейнасць даведаюцца зацікаўленыя ў гэтым студэнты.

Асноўнымі тэматыкамі нашага канала з'яўляюцца:

• Мерапрыемствы студэнцкіх арганізацый і ініцыятыў.

• Навіны ва унівэрсітэтах.

• Палітыка дзяржавы ў сфэры вышэйшай адукацыі.

• Правы студэнтаў і выпадкі іх парушэнняў.

Калі ў вас ёсць цікавая інфармацыя пра ваш унівэрсітэт і жаданне падзяліцца ёй - заходзце ў раздзел “Грамадзянская журналістыка. Дашлі сваю навіну” на галоўнай старонцы, запаўняйце адмысловую форму.

Усе пытанні вы можаце задаць па e-mail: [email protected]