У Гродна адбудзецца Першы кангрэс каталіцкіх СМІ Беларусі

Супрацоўнікі беларускай каталіцкай прэсы, інтэрнэт-сайтаў, блогеры і таксама журналісты-католікі, якія працуюць у свецкіх СМІ, упершыню збяруцца на Першым кангрэсе каталіцкіх СМІ Беларусі.

Мерапрыемства будзе адбывацца з 24 па 26 жніўня ў Гродне, у будынку Вышэйшай духоўнай семінарыі.

У праграме кангрэса — майстар-класы, дыскусіі, круглыя сталы і канферэнцыі, якія правядуць цікавыя аўтарытэтныя асобы. Сярод іх польскі кінарэжысёр Кшыштаф Занусі (Польшча), праграмны дырэктар Ватыканскага радыё а. Анджэй Капроўскі SJ, кіраўнік Беларускай рэдакцыі Ватыканскага радыё кс. Аляксандр Амяльчэня, кіруючы партнёр Цэнтра эфектыўных камунікацый Павел Левушкан (Латвія), генеральны прадзюсар тэлеканала ОТВ Міхаіл Фацееў (Расія) і інш.