Моладзевая асацыяцыя StudAlliance запрашае беларускіх выканаўцаў на "Кірмаш народаў" у Вільню

15-16 верасня ў літоўскай сталіцы пройдзе “Кірмаш народаў”, які ставіць перад сабой мэту прэзентацыі культурнай разнастайнасці еўрапейскіх народаў.

На мінулым кірмашы беларусаў рэпрэзентаваў Вінсэнт, а таксама шэраг іншых беларускіх выканаўцаў, вулічны тэатр, рамеснікі. Выканаўцы атрымалі магчымасць выступіць перад віленчукамі і гасцямі літоўскай сталіцы на гарадской сцэне ў самым цэнтры Вільні.

У гэтым годзе моладзевая асацыяцыя “StudAlliance” працягне ўдалую традыцыю і запрашае падаваць заяўкі жадаючых прыняць удзел у “Кірмашы народаў”.

Да ўдзелу запрашаюцца:

— Музыкі, якія маюць уласную творчую музычную праграму больш як на 30 хвілінаў,

— Вулічныя тэатры альбо перформеры, якія маюць уласную творчую музычную праграму больш як на 30 хвілінаў,

— Мастакі, якія гатовыя зрабіць самастойныя публічныя плэнэры на цэнтральнай вуліцы Вільні.

Умовы арганізатараў:

— Аплата пражывання і харчаванне,

— Атрыманне бясплатных візаў,

— Іншыя выдаткі па асабістай дамоўленасці.

Для таго, каб прыняць удзел у “Кірмашы народаў” неабходна запоўніць адмысловую анкету, якую можна атрымаць напісаўшы на e-mail: [email protected]

Апошні тэрмін запыту на атрыманне анкеты — 23 жніўня. Апошні тэрмін падачы анкеты — 27 жніўня. Па ўсіх пытаннях можна звяртацца на вышэй пазначаны e-mail.

Даведка. StudAlliance — моладзевая асацыяцыя. Нас яднае павага да нацыянальнай спадчыны, адкрытасць да міжкультурнага дыялогу, актыўнасць, грамадзянская пазіцыя, імкненне да маладзёвай салідарнасці. Была заснаваная 27 лістапада 2007 года. Зарэгістравана ў 2011 годзе ў Літве.