Суд над Змітром Дашкевічам можа пачацца праз месяц

Личности

Старшыню “Маладога Фронта” Змітра Дашкевіча ў калоніі знаёмяць з матэрыяламі яшчэ адной крымінальнай справы. Пра гэта паведаміла нарачоная палітвязня Наста Палажанка.

‎”Азнаёміўся з матэрыяламі новай крымінальнай справы. Гэта значыць, што цягам месяцу можа быць суд”, - напісала яна на сваёй старонцы ў Facebook.

Як раней паведамляла Служба інфармацыі “ЕўраБеларусі”, Зміцер Дашкевіч напярэдадні апошніх прэзідэнцкіх выбараў быў асуджаны на два гады пазбаўлення волі па абвінавачванні ў хуліганстве. Ён павінен выйсці на свабоду 18 снежня 2012.

Нядаўна ў дачыненні да апазіцыянера ўлады вырашылі ўзбудзіць яшчэ адну крымінальную справу. Артыкул, які інкрымінуюць палітвязню, - “злоснае непадпарадкаванне патрабаванням адміністрацыі калоніі”. Калі вязня прызнаюць вінаватым па гэтым артыкуле, яму могуць дадаць да турэмнага тэрміну яшчэ год зняволення.