У Віцебску затрымалі незалежных журналістаў

У чацвер, 9 жніўня, у Віцебску затрымалі вядоўцу праграмы “Аб’ектыў” польскага тэлеканала “Белсат” Вольгу Старасціну, а таксама незалежнага журналіста Дзяніса Міхайлава.

Журналістаў утрымліваюць у Чыгуначным РАУСе Віцебску. Вольгу Старасціну, у якой не было пры сабе пашпарта, вывелі ў асобны пакой, перадае “Белсат”. Дзяніс Міхайлаў чакае, пакуль вырашаць, што з ім рабіць, ён даў міліцыянтам тлумачэнні.

Прычыны затрымання невядомыя.

Па словах Дзяніса, іх затрымалі ў раёне Пляца Перамогі, калі здымалі відэасюжэт пра жыццё Віцебска. Журналісты збіраліся запісаць відэаапытанне жыхароў горада пра выбары і тое, ці ведаюць людзі сваіх дэпутатаў, паведамляе “Радыё Свабода”.