Выпускнікоў школы чакае абавязковы экзамен з замежнай мовы

З 2013 года трэцім абавязковым экзаменам для 11-х класаў у Беларусі будзе замежная мова.

Гэта прадугледжана пастановай Міністэрства адукацыі №77 "Аб устанаўленні пераліку навучальных прадметаў, па якіх праводзяцца выпускныя экзамены, форм правядзення выпускных экзаменаў пры правядзенні ў 2012/2013 навучальным годзе выніковай атэстацыі вучняў, пры асваенні зместу адукацыйных праграм агульнай сярэдняй адукацыі, адукацыйнай праграмы спецыяльнай адукацыі на ўзроўні агульнай сярэдняй адукацыі".

Пастанова афіцыйна апублікаваная на Нацыянальным прававым інтэрнэт-партале.

"Пасля завяршэння навучання і выхавання на ІІІ ступені агульнай сярэдняй адукацыі вучняў пры асваенні зместу адукацыйнай праграмы сярэдняй адукацыі абавязковымі з'яўляюцца: "Матэматыка" ў пісьмовай форме; "Беларуская мова" або "Руская мова" на выбар вучня ў пісьмовай форме; "Замежная мова" ў вуснай форме", - гаворыцца ў дакуманце.

Акрамя таго, пастанова пералічвае прадметы, з якіх будуць здаваць экзамены выпускнікі 9-х класаў. Абавязковымі будуць беларуская мова ў пісьмовай форме, руская мова ў пісьмовай форме, матэматыка ў пісьмовай форме і гісторыя Беларусі - у вуснай.

Дакумант уступае ў сілу з 1 верасня.

Як раней паведамляла Служба інфармацыі “ЕўраБеларусі”, старшыня кіравання Адукацыйнага цэнтра “ПОСТ” Зміцер Карпіевіч мяркуе, што ў Беларусі неабходна падвышаць моўную кампетэнтнасць на ўзроўні краіны.