Сяргей Каваленка напісаў хадайніцтва аб вызваленні

Личности

У Магілёўскай папраўчай калёніі № 19 з палітвязьнем Сяргеем Каваленкам спаткаліся бацька Аляксандар і брат Віталь. Бачыліся яны са зняволеным адны суткі.

Як паведаміў Аляксандар Каваленка, яго сын напісаў толькі адзін радок: "Прашу вызваліць мяне". Паводле спадара Аляксандра, сын не прызнаў сваёй віны. Адміністрацыя прапаноўвала напісаць прашэньне аб памілаваньні прыкладна месяц таму. Палітвязень не спадзяецца на хуткае вызваленне, бо для гэтага трэба хадайніцтва адміністрацыі калёніі. “А яго Сяргей не чакае, бо яго зрабілі злосным парушальнікам", - цытуе бацьку палітзняволенага “Радыё Свабода”.

З яго ловаў, Сяргей атрымаў статус злоснага парушальніка рэжыму за тое, што не ў час лёг на ложак і адмовіўся мыць прыбіральню. Сярод асуджаных прыбіраць прыбіральню лічыцца зняважлівай працай, таму ён адмовіўся яе выконваць.

У калоніі не прынялі лекаў для Сяргея Каваленкі, якія прывезлі родзічы. Сказалі дасылаць пасылкай. Супраць гэтага, паводле родзічаў, выступіў начальнік мэдычнай часткі.

Тым часам у калоніі працягваецца спатканне палітвязьня з жонкай Аленай і сынам Валянцінам. Яно скончыцца 27 ліпеня. Меншую дачку Сяргея Каваленкі Віку з спатканьня забралі з сабой брат і бацька. Паводле іх, ёй цяжка знаходзіцца ва ўмовах калёніі. Пакуль родзічы гаварылі з журналістамі, малая капрызавала.