Паўлу Севярынцу афіцыйна адмовілі ў амністыі

Личности

Сустаршыню партыі “Беларуская хрысціянская дэмакратыя” Паўлу Севярынцу адмоўлена ў вызваленьні згодна з параграфам 9 Закона аб Амністыі.

Пра гэтае рашэнне палітык даведаўся ў дзяжурнай частцы спэцкамэндатуры №7, куды быў адмыслова выкліканы для азнаямлення з паперай.

“Палітвязьні сёньня – гэта закладнікі. Відавочна, што выгандляваць грошы за вызваленне сваіх апанэнтаў на Захадзе рэжыму не ўдалося. Гэта значыць, палітвязні і надалей застануцца ў турмах”, - цытуе яго прэс-служба БХД.

Як раней паведамляла Служба інфармацыі “ЕўраБеларусі”, сам Павал Севярынец спадзяваўся, што яго вызваленне адбудзецца яшчэ ў чэрвені.