Аляксандру Мілінкевічу споўнілася 65

Личности

Старшыня Руху "За свабоду" нарадзіўся 25 ліпеня 1947 года ў Гродна. 

У 1990-1996 гг. Аляксандр Мілінкевіч займаў пасаду намесніка старшыні Гродзенскага гарвыканкама, дзе займаўся пытаннямі адукацыі, культуры, аховы здароўя, моладзі, спорту, СМІ, рэлігіі, міжнародных адносін і аховы гістарычнай спадчыны.

У 2001 годзе - кіраўнік перадвыбарчай кампаніі кандыдата ў прэзідэнты Беларусі Сямёна Домаша.

У кастрычніку 2005 года Аляксандр Мілінкевіч стаў адзіным кандыдатам ад дэмакратычнай апазіцыі на прэзідэнцкіх выбарах 2006 года.

26 кастрычніка 2006 г. стаў лаўрэатам прэміі "За свабоду думкі" імя Андрэя Сахарава, якую штогод прысуджае Еўрапарламент. Гэта прэмія заснавана Еўрапарламентам у 1988 годзе і прысуджаецца штогод за дасягненні ў справе абароны правоў чалавека і яго асноўных свабодаў, а таксама за павагу міжнароднага заканадаўства і развіццё дэмакратыі.

Перад выбарах 2010 года заявіў аб сваім намеры зноў вылучыцца кандыдатам у прэзідэнты, аднак пасля зняў сваю кандыдатуру і падтрымаў Рыгора Кастусёва.

Адным з падарункаў да сённяшняй круглай даты можна лічыць рэгістрацыю ініцыятыўнай групы па вылучэнні лідара Руху "За Свабоду" Аляксандра Мілінкевіча кандыдатам у дэпутаты Палаты прадстаўнікоў пятага склікання.