Зміцер Дашкевіч сустракае Дзень нараджэння ў карцэры

Личности

Палітзняволены лідэр “Маладога Фронта” Зміцер Дашкевіч 20 ліпеня сустракае свой 31-ы Дзень нараджэння ў Глыбоцкай калоніі. Як і ў мінулым годзе, кіраўніцтва ўстановы ў якасці падарунка трымае апазіцыянера ў карцэры.

Нагадаем, апазіцыянер напярэдадні апошніх прэзідэнцкіх выбараў быў асуджаны на два гады пазбаўлення волі па абвінавачванні ў хуліганстве. Ён павінен выйсці на свабоду 18 снежня 2012.

Нядаўна ў дачыненні да Зміцера Дашкевіча ўлады вырашылі ўзбудзіць яшчэ адну крымінальную справу. Артыкул, які інкрымінуюць палітвязню, - “злоснае непадпарадкаванне патрабаванням адміністрацыі калоніі”.

Як раней паведамляла Служба інфармацыі “ЕўраБеларусі”, калі Зміцера Дашкевіча прызнаюць вінаватым па гэтым артыкуле, яму могуць дадаць да турэмнага тэрміну яшчэ год зняволення.