Амбасадар Францыі прамаўляе па-беларуску і кажа пра палітвязняў

Личности

На прыёме, прысвечаным нацыянальнаму святу Францыі – Дню ўзяцця Бастыліі, амбасадар краіны Мішэль Рэнэры прыгадаў пра беларускіх палітвязняў.

Сваю прамову кіраўнік дыпмісіі сказаў па-беларуску, паведаміў палітык і былы палітвязень Сяргей Скрабец.

“Мне вельмі шкада, што сёння не ўсе сябры змаглі прысутнічаць на нашай святочнай вечарыне. Я перадаю прывітанне Алесю Бяляцкаму праз яго жонку і Мікалаю Статкевічу... Я глыбока шкадую пра тых людзей, якія не змаглі таксама сёння прысутнічаць, баючыся страціць працу”, - цытуе амбасадара “Беларускі партызан”.

Прадстаўнікі Міністэрства замежных спраў Беларусі праігнаравалі ўрачысты прыём у амбасадзе Францыі з нагоды святкавання. Нягледзячы на гэта, Мішэль Рэнэры ўзгадаў добрым словам кіраўніка МЗС Сяргея Мартынава.

“Я высока цаню прафэсіяналізм спадара Мартынава. Хачу адзначыць, што дыпламатыя – гэта не супермаркет, у якім што хачу – тое бяру, а што не хачу, то пакідаю. Дыпламатыя – гэта цэлы комплекс, які прымаеш ці не прымаеш. Я знаходжуся тут, у Беларусі, не толькі для таго, каб рэкламаваць францускі каньяк, віно, францускую культуру, але і для таго, каб гаварыць пра правы чалавека, пра дэмакратычныя свабоды”, - падкрэсліў амбасадар Францыі.