Каля 400 навукоўцаў выказалі намер прыняць удзел у Другім Міжнародным кангрэсе даследчыкаў Беларусі

У арганізацыйны камітэт Другога Міжнароднага кангрэсу даследчыкаў Беларусі  паступіла беспрэцэндэнтная колькасць заявак. Намер узяць удзел у галоўнай навуковай імпрэзе 2012 года выказалі каля 400 навукоўцаў.

Сярод ахвотных удзельнічаць у Кангрэсе — даследчыкі з Беларусі, Польшчы, Літвы, Латвіі, Германіі, Чэхіі, Расіі, Канады, Францыі, Фінляндыі, Бельгіі, Вялікабрытаніі, Венгрыі, Японіі, Малдовы, Нідэрландаў, Румыніі, Швецыі і ЗША.

Па выніках збору заявак плануецца арганізаваць працу больш чым 20 секцый, якія аб’яднаюць спецыялістаў у галіне паліталогіі, гісторыі, сацыялогіі, філасофіі, культуралогіі ды іншых сацыяльных і гуманітарных дысцыплін.

Зараз заяўкі разглядаюцца арганізацыйным камітэтам Кангрэса, а тэзісы, дасланыя навукоўцамі, праходзяць экспертызу каардынацыйных саветаў кожнай з секцый.

Нагадаем, Другі Міжнародны кангрэс даследчыкаў Беларусі адбудзецца ў верасні ў Літве.