ААН выдаліла з Youtube версію "Вышэй за неба" сцэнарыста Курэйчыка

З 18 чэрвеня перасталі працаваць усе спасылкі на фільм "Вышэй за неба", выкладзены на сайце youtube.com. Сцэнарыст Андрэй Курэйчык расцэньвае гэта як абвяшчэнне вайны.

Відэа было выдалена па скарзе Праграмы развіцця ААН, паведамляе “Еўрарадыё” з спасылкай на прэс-службу Андрэя Курэйчыка. Чыноўнікі палічылі, што поўнаметражная версія "Вышэй за неба" парушыла маёмасныя правы ПРААН на відэаматэрыял.

Нагадаем, сцэнарыст і адзін з рэжысэраў “Вышэй за неба” Андрэй Курэйчык, а таксама рэжысэр Дзмітрый Марынін не знайшлі паразумення з замоўцам фільма — Праграмай развіцця ААН. Пасля скандалю ў інтэрнэце з'явілася "аўтарская версія" фільма, за 10 дзён стужку на Youtube праглядзелі 70 тыс. чалавек.

Нягледзячы на выдаленне фільма з самага папулярнага відэасэрвісу, яго па-ранейшаму можна паглядзець на іншых сайтах і запампаваць з торэнт-трэкераў.

Як раней паведамляла Служба інфармацыі “ЕўраБеларусі”, аўтарская група "Вышэй за неба" заяўляе, што не датычыцца да з’яўлення ў інтэрнэце працоўнай версіі стужкі. Разам з яна распаўсюдзіла відэазварот, у якім просіць ПРААН дазволіць паказать гледачам версію фільма, самастойна змантаваную групай. На погляд кінематаграфістаў, версія "адлюстроўвае мастацкую і эстэтычную канцэпцыю сцэнарыста і рэжысэра".

У сваю чаргу ПРААН паведаміла, што не цэнзуравала “Вышэй за неба”.