Год таму не стала Віталя Сіліцкага

Личности

У панядзелак, 11 чэрвеня, ў мінскай галерэі “У нескладовае” пройдзе вечар памяці першага дырэктара Беларускага інстытутп стратэгічных даследаванняў Віталя Сіліцкага.

Пачатак а 18-й гадзіне, перадае “Радыё Свабода”.

Віталь Сіліцкі пайшоў з жыцця 11 чэрвеня 2011 году ў Мінску ад цяжкай хваробы. Яму было 38 гадоў. Як раней паведамляла Служба інфармацыі “ЕўраБеларусі”, сябры і калегі Віталя ўтварылі камітэт у гонар яго памяці. У арганізацыю ўвайшлі каля трыццаці вядомых беларускіх і замежных грамадзкіх і навуковых дзеячоў.

Віталь Сіліцкі — палітолаг, першы дырэктар Беларускага інстытута стратэгічных даследаванняў (BISS), доктар паліталогіі Ратгэрскага ўнівэрсытэта (ЗША). Аўтар шматлікіх артыкулаў у беларускай і замежнай прэсе.

Віталь лічыў патрэбным прысутнічаць на ўсіх важных падзеях — апошні раз ён ужо вельмі хворым прыйшоў на Пляц 19 снежня 2010 года.