Праблемамi еўрапейскай інтэграцыі займаецца новы кiраўнік дэлегацыi ЕП па сувязях з Беларуссю

Личности

Новы кіраўнік дэлегацыі Еўрапарламента па сувязах з Беларуссю таксама вырашае праблемы афрыканцаў і цыганаў. Служба інфармацыі “ЕўраБеларусі” прыводзіць цікавыя факты з біяграфіі Філіпа Анджэя Качмарэка, прызначанага ўзначаліць дэлегацыю ЕП па сувязях з Беларуссю.

Як і папярэдні кіраўнік дэлегацыі, спадар Філіп - паляк. Ён нарадзіўся 22 лістапада 1966 у Познані, з’яўляецца доктарам гуманітарных навук (паліталогія, Універсітэт Адама Міцкевіча) і кандыдатам гістарычных навук (гістарычны факультэт, Універсітэт Адама Міцкевіча). Яго жонка Бэатрыс Махоўска-Качмарак - журналістка, сын Ігнацы вычыцца ў гімназіі.

У пачатку 90-х Філіп Качмарэк быў старшынём Незалежнай Асацыяцыі Студэнтаў у Польшчы, у 1994 годзе стаў сузаснавальнікам аб’яднання “Маладыя дэмакраты”. Быў дэпутатам Сейму Польшы першага склікання (1991-1993), у 2001 годзе стаў адным з заснавальнікаў Познаньскай Грамадзянскай Платформы. У 1998-2002 гадах ён уваходзіў у Раду Познані і займаў пасаду намесьніка прэзідэнта горада. У 2003 годзе арганізаваў і ачоліў Бюро еўрапейскіх фондаў у Познані. З 2010 кіруе Грамадзянскай Платформай горада Познань.

На працягу многіх гадоў займаецца праблемамі еўрапейскай інтэграцыі, у 1992 годзе выступіў за тое, каб Польшча стала паўнавартасных членам Еўрапейскай супольнасьці. У 1993 годзе стаў сузаснавальнікам асацыяцыі, якая пераўтварылася ў “Цэнтар эўрапейскай навукі і адукацыі” у Познані. У 1996 годзе - лаўрэат Нямецкага фонду Маршала ў ЗША.

З 2004 году - дэпутат Еўрапейскага парламента, дзе, як і ўсе члены Грамадзянскай Платформы, належыць ла Еўрапейскай народнай партыі. На дадзены момант з’яўляецца каардынатарам групы ЕНП у Камітэце па развіцці, што дае дапамогу краінам, якія развіваюцца, і судзейнічае пераходу да дэмакратыі ў гэтых дзяржавах. Таксама з’яўляецца членам Камітэту па сельскай гаспадарцы і развіцьці сельскіх раёнаў.

У 2009 годзе атрымаў прэмію як лепшы дэпутат ЕП у катэгорыі палітыкі развіцця.

Уваходзіць у дэлегацыю па сувязях з Панафрыканскім парламэнтам, дэлегацыю Сумеснай парламенцкай асамблеі “Краіны Афрыкі, Карыбскага басейну і Ціхаакіянскага рэгіёну — Еўрапейскі саюз”, а таксама намеснікам члена дэлегацыі па сувязях з Ізраілем.

З’яўляецца ўдзельнікам пяці інтэргрупаў:

• Інтэргрупа Тыбет;
• Інтэргрупа па праблемах старэння;
• Інтэргрупа Спорт;
• Інтэргрупа Urban;
• Інтэргрупа SME.

Належыць да дзесяці групаў Еўрапарламента. Гэта:

• Група па праблемах Бірмы;
• Асацыяцыя еўрапарламентароў з Афрыкай (AWEPA);
• Група па сяброўству з Тайванем;
• Інтэргрупа “Саюз рэгбі”;
• Клуб піва;
• Працоўная група еўрапейскіх ўпаўнаважаных па эпілепсіі;
• Працоўная група па пытаннях цыганаў;
• Група сяброўства ЕС — Непал;
• Група сябраў Шры-Ланкі;
• Працоўная група па патыннях іннавацый, доступу да лекаў і хвароб, звязаных з жабрацтвам.

У межах Еўрапейскай Народнай Партыі Філіп Качмарэк дзейнічае як:

• Член палітычнага бюро ЕНП;
• Член групы бюро (Office);
• Каардынатар Камітэта па развіцці;
• Каардынатар сувязяў ЕС - краіны АКЦ (краінаў Афрыкі, Карыбскага басэйну і Ціхаакіянскага рэгіёну);
• Член SME Circle (займаецца рашэннем пытаньняў малых і сярэдніх прадпрыемстваў. Група з’яўляецца адзінай палітычнай групай у ЕП, якая цалкам прызнае ролю малых і сярэдніх прадпрыемстваў у якасці суб’ектаў, што ствараюць працоўныя месцы ў Еўропе);
• Член ЕНП па пытаннях міжкультурнага дыялогу і па справах рэлігіі.

У біяграфіі палітыка няма ўзгадак пра тое, што ён раней працаў з Беларуссю. Яго родная Познань знаходзіцца на захадзе Польшчы, бліжэй да Нямеччыны і Чэхіі, і невядома ці пераступаў ён калі-небудзь белурускую мяжу. Аднак ёсць надзея, што досвед спадара Філіпа у працы з цыганамі, афрыканцамі і краінамі, якія развіваюцца, паслужыць на карысць і ў яго працы з Беларуссю. Асабліва што тычыцца судзеяння пераходу да дэмакратыі.