У Мінску адбываецца выстава аўтсайдараў

З 6 чэрвеня ў мабільнай галерэі Нацыянальнай бібліятэкі Беларусі (3-ці паверх) працуе выстава “Крыло Надзеі”.

Яна сфарміравана з работ мастакоў, якія пражываюць у Мінскім псіханеўралагічным доме-інтэрнаце №2. Сёння гэтая творчасць называецца “Арт-брут” (неапрацаванае, неаграненае мастацтва) або “Аўтсайдар-арт” (мастацтва іншых).

Творчасць “аўтсайдараў” – гэта магчымасць узаемнага духоўнага ўзбагачэння. Вывучаючы работы такіх мастакоў, глядач знаёміцца з асобым спосабам бачання, што, магчыма, пашырае яго далягляд.

На выставе прадстаўленыя работы пяці аўтараў, у тым ліку Аляксея Ляпіна. Карціны выкананыя ў розных тэхніках: пастэль, алей, графіка. Для адных гэтая выстава можа стаць сапраўдным адкрыццём, а іншым падорыць надзею на разуменне.

Выстава будзе доўжыцца да 17 чэрвеня.