Лех Валэнса: Мы не зробім за беларусаў іх працу

Личности

Без Беларусі няма Еўропы, заявіў былы лідэр прафсаюзу “Салідарнасць”, экс-прэзідэнт Польшчы Лех Валэнса. Аднак ён падкрэсліў, што змены ў краіне павінныя зыходзіць з ініцыятывы саміх беларусаў.

Пра гэта палітык паведаміў, выступаючы на адкрыцьці Глабальнага форуму ва Ўроцлаве, перадае “Радыё Свабода”. “Я быў, ёсьць і застаюся рэвалюцыянэрам”, - запэўніў Лех Валэнса.

Ён прыгадаў, як у1990 годзе ў Варшаве вёў перамовы з дэлегацыяй ФРГ і сказаў суразмоўцам, што Берлінскі мур абрынецца. Сцяна, якая была сымбалем “халоднай вайны”, абрынулася дакладна падчас гэтай размовы.

Але зараз – іншыя часы, іншыя выклікі, якія патрабуюць іншых адказаў. “Мы жывем у час змены эпохаў”, - падкрэсліў Валэнса. Ён, у прыватнасьці, заклікаў да палітычнага аб'яднання Еўропы: “Еўропа павінная пачаць думаць пра сябе, як “дзяржава Еўропа”, нават калі ў людзей ёсьць свае сумневы на гэты конт”, - лічыць польскі палітык.

Гаворачы пра Беларусь і Ўкраіну, ён сказаў, што без іх няма Еўропы. Аднак Лех Валэнса падкрэсліў, што змены павінныя быць зробленыя самімі беларусамі. “Мы не зробім за беларусаў іх працу”, - папярэдзіў экс-кіраўнік “Салідарнасці”.