ВІЧ-станоўчыя людзі хочуць жыць

У Мінску праходзіць фотавыстава Дзіны Коцікавай “Веды пра ВІЧ".

Мэта аўтарскага фотапраектаз’яўляецца барацьба з дыскрымінацыяй ВІЧ-станоўчых асобаў праз інфармаванне насельніцтва і ламанне стэрэатыпаў пра людзях, якія жывуць з ВІЧ.

Выстава адкрылася 26 красавіка і працягнецца па 6 траўня. Наведаць яе можна з 10.00 да 15.00 у будынку Міжнароднага інстытута прававых адносінаў (вул. Казінца, д. 21, корп. 3). Уваход вольны!

Веданне свайго ВІЧ-статуса з’яўляецца адказных паводзінаў чалавека ў сучасным грамадстве, нагадваюць героі выставы. Ілля – дызайнар, змагаецца з ВІЧ 7 год. “Кожны дзень я сустракаю шмат людзей. Часам хачу запытацца, ці ведаюць яны свой ВІЧ-статус?” - кажа ён.

Па словах ВІЧ-станоўчых людзей, “Веды пра ВІЧ” – гэта вельмі вялікая падтрымка, якая дапамагае жыць і ўставаць на ногі, гледзячы на прыклады іншых.

Святлана – хатняя гаспадыня, жыве з ВІЧ 8 год. “Дзякуючы даступнасці і правядзенню адмысловага лекавання я нарадзіла двух здаровых дзяцей”, - распавядве яна.

 Фотапраект з'яўляецца часткай інфармацыйна-культурнай кампаніі “Пасланне” ў межах рэалізацыі гранта Глабальнага фонду для барацьбы з СНІДам, туберкулёзам і малярыяй “Забеспячэнне ўсеагульнага доступу ключавых пацярпелых груп насельніцтва ў Беларусі да прафілактыкі, лячэння і догляду ў сувязі з ВІЧ”. Ён ажыццяўляецца Праграмай развіцця ААН у супрацоўніцтве з Міністэрствам аховы здароўя Беларусі пры падтрымцы Аб'яднанай праграмы ААН па ВІЧ/СНІД (ЮНЭЙДС).

 Арганізацыя “Пазітыўны рух” вызначыла для сябе тэму “Змены грамадскай думкі ў адносінах да людзей, якія жывуць з ВІЧ” як доўгатэрміновую стратэгічную мэту. Цягам 10 гадоў “Пазітыўны рух” паспяхова рэалізуе розныя творчыя і інфармацыйныя ініцыятывы для дасягнення мэты па інфармаванні, змене грамадскай думкі і зніжэнню стыгмы і дыскрымінацыі ў адносінах да ВІЧ-станоўчых людзей.