Міліцыя сарвала сустрэчу з вядомым эколагам

Каля стадыёна “Трактар” у Мінску 27 траўня супрацоўнікі міліцыі затрымалі групу моладзі, якая сустракалася з доктарам тэхнічных навук, спецыялістам па праблемах атамнай энергетыкі Георгіем Лепіным.

Дваццаць адзін чалавек патрапіў ў Маскоўскі РУУС. Да некаторых ужывалі фізічны гвалт, пагражалі скласці пратаколы і пасадзіць “на суткі”. Пасля працэдуры дактыласкапіі затрыманых вызвалілі, паведамляе Праваабарончы Цэнтар “Вясна”.

Георгій Лепін – член Міжнароднай акадэміі экалогіі, ён выступае супраць будаўніцтва АЭС у Беларусі.