Прэзентацыя Гадавіка антрапалагічнай гісторыі Homo Historicus 2012

Выдавецтва Еўрапейскага гуманітарнага ўніверсітэта запрашае ўсіх на прэзентацыю Гадавіка антрапалагічнай гісторыі Homo Historicus 2012 (Center for Advanced Studies and Education (CASE).

Homo Historicus 2012. Гадавік антрапалагічнай гісторыі / Пад рэд. А. Смаленчука. – Вільня: ЕГУ, 2012. – 526 с.

Прэзентацыя адбудзецца ў галерэі "Ў" (пр. Незалежнасці, 37а) 20 мая а 18-00. 

Удзельнічаюць Вольга Бабкова, Вольга Лабачэўская, Iрыня Дубянецкая.

Чарговы трэці том гадавіка ўтрымлівае матэрыялы, якія дапамагаюць зразумець праблему ЧАЛАВЕКА ў беларускай гісторыі. Сярод аўтараў айцец Аляксандр Надсан (Лондан) з артыкулам, прысвечаным Францішку Скарыне, Ганна Энгелькінг (Варшава) з заўвагамі пра структуру ідэнтычнасці беларускіх калгаснікаў рубяжа ХХ – ХХІ ст., Макота Хаясака (Токіо) са спробай параўнання японскіх і беларускіх краёўцаў, Ірына Дубянецкая (Менск) ды інш. Таксама публікуюцца тэксты Фрэрыка Барта (Осла), Міраслава Гроха (Прага), Юзафа Абрэмбскага (Варшава).

Традыцыйную структуру гадавіка дапоўнілі раздзелы Studia Mithologica, Homo Politicus, а таксама Беларусіка ў архівах і бібліятэках замежжа.