З'явіўся першы даведнік для беларусаў, якія жадаюць стварыць НДА ў Польшчы

Даведнік "Я ствараю няўрадавую арганізацыю ў Польшчы" з’яўляецца плёнам Працоўнай групы па пытаннях Беларусі ў рамах групы “Замежжа” і таварыства “Клён/явар”.

Рэгістрацыя беларускіх няўрадавых арганізацый за мяжой: чым яна выклікана і што яна дае? Як ствараецца арганізацыя ў Польшчы? Як стварыць таварыства? Як стварыць фонд? Дзе можна атрымаць інфармацыю наконт стварэння і дзейнасці арганізацыі? На гэтыя і іншыя пытанні можна знайсці адказ у даведніку.

Выданне адрасавана актывістам з Беларусі, дзе, як вядома, жадаючыя адкрыць недзяржаўную арганізацыю сутыкаюцца з шэрагам цяжкасцей.

У кнізе крок за крокам тлумачыць працэдуру рэгістрацыі беларускіх НДА ў Польшчы, распавядае аб вопыце грамадскай дзейнасці замежных арганізацый у гэтай краіне.

Рэгістрацыя юрыдычнай асобы ў Польшчы дае беларускай недзяржаўнай арганізацыі магчымасць доўгатэрміновага фінансавання з замежных крыніц, што  немагчыма па палітычных і прававых прычынах для тых, хто зарэгістраваны ў Беларусі.

Выданне такога даведніка на беларускай мове - ініцыятыва польскіх НДА, якія ўжо на працягу многіх гадоў актыўна падтрымліваюць грамадскіх актывістаў з Беларусі.

Таксама ў хуткім часе плануюцца юрыдычныя кансультацыі для беларусаў, якія жадаюць зарэгістраваць сваю арганізацыю ў Польшчы.

Спампаваць даведнік "Я ствараю няўрадавую арганізацыю ў Польшчы" можна тут.