У Горках студэнтаў замест заняткаў прымушаюць рыхтаваць горад да “Дажынак”

У сувязі з правядзеннем фестываля “Дажынкі-2012” горацкіх студэнтаў прымушаюць працаваць на будоўлі і ў батанічным садзе.

Дакладна вядома, што студэнты другога курса факультэта “Бізнэса і права” Горацкай сельскагаспадарчай акадэміі былі абавязаныя з 16 красавіка па 13 траўня працаваць на карысць акадэміі. Гэтая праца знаходзілася па-за навучальным планам, заняткі ў гэты перыяд былі “замарожанымі”. Да прагульшчыкаў адміністрацыя акадэміі мусіла ўжываць разнастайныя санкцыі.

“Азмрочвае дадзеную сітуацыю той факт, што ад гэтых прац студэнты не могуць адмовіцца. Гэтыя працы абумоўлены не вучэбным планам, а стыхійнай неабходнасцю ў выкарстанні бясплатнай рабсілы”, - паведаміла Праваабарончаму цэнтру “Вясна” студэнтка, якая пажадала застацца ананімнай.