Міхасю Мускаму прысудзілі яшчэ пяць дзён арышта

Личности

Суд Маскоўскага раёна Мінска 14 траўня вырашыў пакараць актывіста “Маладога Фронта” Міхася Мускага чарговым тэрмінам арышта.

Суддзя Віктар Казак палічыў юнака вінаватым у дробным хуліганстве і пастанавіў арыштаваць яго на пяць дзён. Сведкамі з боку абвінавачаньня выступалі супрацоўнікі Маскоўскага РУУС А.Давідзюк і С.Савугін. У пратаколе пазначана, што Мускага затрымалі каля крамы "Альтаір", паведамляе Праваабарончы цэнтар “Вясна”.

Тым часам Міхась Мускі знаходзіўся ў Цэнтры ізаляцыі правапарушальнікаў на Акрэсціна  - яго павінны былі вызваліць 11 траўня пасля 15 дзён папярэдняга арышту за ўдзел у “Чарнобыльскам шляху”.

Як раней паведамляла Служба інфармацыі “ЕўраБеларусі”, Міхасю Мускаму разам з паплечнікамі Раманам Васільевым і Паўлам Сяргеем 10 траўня прысудзілі штраф у 233 даляры “за абразу Леніна”. Апрача таго, Міхасю і Паўлу пагражае заклік у войска, хаця маладыя людзі заявілі пра сваё права на альтэрнатыўную грамадзянскую службу.