"Парыж за Алеся Бяляцкага"

Личности

Сёння, 11 траўня, на фасадзе будынка мэрыі 11-й акругі Парыжа, будзе вывешаны гіганцкі партрэт віцэ-прэзідэнта Міжнароднай Федэрацыі за правы чалавека (FIDH), кіраўніка праваабарончага цэнтра "Вясна" Алеся Бяляцкага з заклікам да яго неадкладнага вызвалення.

Урачыстае мерапрыемства, пра якое паведамляюць гарадская прэса і сайт мэрыі Парыжу, адбудзецца ў рамках акцыі "Парыж за Алеся Бяляцкага".

На мітынгу, падчас якога будзе вывешаны партрэт, выступяць прадстаўнік мэра Парыжа па міжнародных пытаннях П'ер Шапіра, прэзідэнт Міжнароднай федэрацыі за правы чалавека Суэр Белхасен і сябры праўлення федэрацыі, якія ў гэты дзень з многіх краінаў свету з'едуцца ў Парыж, дзе размешчаны міжнародны сакратарыят FIDH.

Звычайна мэрыя Парыжу вывешвае партрэты французскіх грамадзянаў, якія апынуліся закладнікамі ў іншых краінах, паведямляе ПЦ "Вясна".