Дуня Міятавіч патрабуе адмяніць прысуды беларускім журналістам

Личности

Прадстаўніца АБСЕ па пытаннях свабоды СМІ Дуня Міятавіч заклікала Аляксандра Лукашэнку спыніць пераслед беларускіх незалежных медыя.

Беларускі прэзідэнт павінен спыніць жорсткую палітыку адносінах да СМІ, лічыць яна, паведамляе “Хартыя 97” з спасылкай на сайт АБСЕ.

“У Беларусі існуе вострая неабходнасць у свабодзе СМІ, і гэтай свабоды можна дасягнуць, толькі калі ў якасці першай меры будуць адмененыя ўсе прысуды і знятыя ўсе абвінавачванні супраць журналістаў”, - сказала Міятавіч, паўтарыўшы асноўную ідэю ліста, які яна накіравала Лукашэнку 8 траўня.

У сваім лісце прадстаўніца АБСЕ згадала Ірыну Халіп (расійская “Новая газета”) і Анджэя Пачобута (польская Gazeta Wyborcza), прысуджаных да ўмоўных турэмных тэрмінаў за крытыку ўладаў, а таксама Наталлю Радзіну (“Хартыя97”), якая была вымушаная з'ехаць з Беларусі, каб пазбегнуць крымінальнага пераследу і турэмнага зняволення.

“Гэтыя прысуды і абвінавачванні неабходна неадкладна адмяніць, паколькі яны пасылаюць выразны сігнал усім СМІ ў Беларусі аб тым, што ўрад і надалей не мае намеру мірыцца з крытыкай у адносінах да ўладаў і дзяржаўнай палітыкі. Журналісты, якія выказваюць погляды, адрозныя ад афіцыйных, жывуць у страху за сваю бяспеку і бяспеку сваіх сем'яў”, - дадала Дуня Міятавіч.

“Дзяржаўныя службоўчы павінныя мірыцца з тым, што яны падвяргаюцца большай крытыцы з боку СМІ, чым звычайныя грамадзяне, і забяспечыць магчымасць весці вольную дыскусію па пытаннях, што маюць грамадскі інтарэс, у Беларусі і іншых краінах. У адваротным выпадку мы рухаліся б толькі ў зваротным напрамку - да рэпрэсій і закрытага грамадства”, - падкрэсліла прадстаўніца АБСЕ па пытаннях свабоды СМІ.