Палітвязень Дашкевіч атрымаў ўзнагароду Свабоды YEPP

Личности

Лідэр “Маладога Фронту” Зміцер Дашкевіч стаў першым лаўрэатам узнагароды Свабоды, арганізаванай Моладзю Еўрапейскай народнай партыі (Youth of the European People’s Party – YEPP) у 2012 годзе.

Кіраўніцтва YEPP накіравала ліст кіраўніцтву “Маладова Фронта”, дзе адзначыла, што Зміцер Дашкевіч вядомы як арганізатар шматлікіх вулічных акцыяў, удзел у якіх прывёў да месяцаў адміністратыўнага арышту, з прычыны адстойвання маладым чалавекам уласных перакананняў.

“Мы з захапленьнем назіралі за Вашай барацьбой за свабоду ў Вашае краіне, і нашыя сэрцы з Вамі ў гэтыя цяжкія часы. YEPP актыўна займаецца пытаньнем свабоды ў Беларусі, мы удзельнічаем у кампаніях па рассылцы паштовак і міжнародных пратэстах. Мы спадзяемся, што, аддаўшы Вам першую узнагароду Свабоды, мы паглыбім свой удзел у Вашай справе”, - цытуе заяву YEPP прэс-служба “Маладога Фронта”.

Моладзевая арганізацыя Еўрапейскай народнай партыі заснаваная ў 1997 годзе. Яна аб’ядноўвае больш за 51 хрысьціянска-дэмакратычную моладзевую палітычную арганізацыю з больш як 35 краінаў Эўропы, сумарная колькасьць чальцоў перавышае 1,4 млн.