Другі семінар-кансультацыя "Стварэнне і рэгістрацыя некамерцыйных арганізацый"

10 мая 2012 года ў Мінску Цэнтр прававой трансфармацыі ды Асамблея няўрадавых дэмакратычных арганізацый ладзяць другі сэмінар-кансультацыю “Стварэньне і рэгістрацыя некамэрцыйных арганізацый”.

Падчас сэмінара будуць разгледжаныя асноўныя арганізацыйна-прававыя формы некамерцыйных арганізацый ды іх адрозненні ў прававым статусе згодна з актуальным беларускім заканадаўствам. Удзельнікам будзе прадстаўленая інфармацыя адносна парадку ды практыкі рэгістрацыі грамадскіх аб’яднанняў, устаноў і фондаў, а таксама дадзеныя індывідуальныя кансультацыі ды парады па падрыхтоўцы рэгістрацыйных  дакументаў.

Трэнэрамі на семінары будуць дасведчаныя юрысты ў галіне беларускага некамерцыйнага права: Вольга Смалянка, Цэнтар прававой трансфармацыі, Юрый Чавусаў, Асамблея НДА.

Да ўдзелу запрашаюцца прадстаўнікі ініцыятыўных груп з Мінска і рэгіёнаў, якія маюць намер распачаць працу па рэгістрацыі грамадскага аб’яднання альбо іншай некамерцыйнай арганізацыі. Удзельнікам з іншых гарадоў будуць кампенсаваныя транспартныя выдаткі.

Каб прыняць удзел, неабходна даслаць заяўку на два электронныя  адрасы: [email protected] ды [email protected] з пазнакай у тэме ліста "Seminar2012". У заяўцы пазначце: імя, прозвішча, месцажыхарства, тэлефон і, пры магчымасці, скайп кандыдата, назву арганізацыі альбо ініцыятывы, што ствараецца.

Апошні тэрмін падачы заявак: да 16.00 7 мая 2012 года.

Колькасць месцаў абмежавана, таму арганізатары семінара пакідаюць за сабой права правесці адбор заявак.

Паведамленне пра вынік разгляду заяўкі будзе абвешчана не пазней за 8 мая.

Сэмінар-кансультацыя адбудзецца  ў Мінску ў памяшканні Цэнтра прававой трансфармацыі (вул. Нававіленская, 38-10, 2-гі паверх, уваход праз дзверы № 16). Карту глядзіце ніжэй.

Рэгістрацыя ўдзельнікаў: з 12.00, пачатак у 12.30 (працягласьць: да чатырох гадзін).