Сяргея Каваленку этапавалі на Валадарскага

Личности

Палітычнага зняволенага Сяргея Каваленку этапавалі з ахоўнага аддзялення Рэспубліканскага навукова-практычнага цэнтру псіхічнага здароўя ў Навінках.

Як павеміла жонка вязня Алена Каваленка, зараз Сяргей знаходзіцца ў следчым ізалятары Міністэрства ўнутраных спраў на вуліцы Валадарскага ў Мінску.

“Этапавалі яго праз СІЗА 1, зараз ён на Валадарцы, а далей куды яго накіруюць – невядома. У абласным судзе не кажуць пра гэта, маяўляў, яны не вырашаюць, куды яго этапаваць. Можна толькі здагадвацца, што ў бок Віцебска. У калонію яны не маюць права яго накіраваць, яшчэ прысуд не ўступіў у законную сілу. Можа яго накіруюць у наша віцебскае СІЗА”, - праводзіць “Радыё Рацыя” словы Алены Каваленкі.

Па яе словах, пра вынікі псіхолага-псіхіятрычнай экспертызы, якую вязень праходзіў у Навінках, пакуль невядома. Паведамілі толькі, што яна пішацца. Але, па меркаванню Алены Каваленкі, калі б яе мужа прызналі хворым, то наўрад ці б этапавалі з Навінак.

“Падчас апошняй нашай сустрэчы ён сказаў, што калі зноўку адчуе на сабе ціск, то ўзнавіць сваю галадоўку. Зараз сядзець у яго стане, з яго падарваным здароўем небяспечна - гэта ўсё можа вельмі дрэнна і хутка скончыцца. Яму так і не далі больш-менш выйсці з галадоўкі”, – кажа Алена Каваленка.

Як раней паведамляла Служба інфармацыі “ЕўраБеларусі”, Міжнародная правозащитники Федэрацыя праў чалавека патрабуе ад беларускіх уладаў супыніць палітычны пераслед Сяргея Каваленкі.