Актывіст незалежнага прафсаюза адсудзіў кампенсацыю за звальненне

Магілёўскае прадпрыемства “Прамжылбуд” павінна выплаціць больш за 11 млн рублёў (каля 1,36 тыс даляраў) свайму былому супрацоўніку Аляксею Паўлоўскаму.

Адпаведнае пагадненне бакі падпісалі ў судзе Кастрычніцкага раёну. Актывіст незалежнага прафсаюзу таксама дамогся, каб афіцыйнай фармулёўкай прычыны звальнення было невыкананне працадаўцам умоваў кантракту, перадае “Радыё Свабода”.

Аднак прадстаўнік прадпрыемства ў судзе настойваў, што Паўлоўскага звольнілі, бо ў яго скончыўся кантракт. Сам актывіст кажа, што ў судовым пазове ён пералічыў 28 пунктаў парушэння заканадаўства з боку працадаўцы. Пазней гэтыя парушэньні пацвердзілі іншыя дзяржаўныя арганізацыі.

Як раней паведамляла Служба інфармацыі “ЕўраБеларусі”, у сакавіку супрацоўнікі Магілёўскага хлебзаводу №4 дабіліся падвышэння заробкаў. Адміністрацыя прадпрыемства пайшла на гэты крок, паколькі спалохалася мажлівых пратэстаў.