Новы семінарскі курс "Тэкстуальная крытыка і канон Новага запавету"

Лятучы універсітэт аб’яўляе новы семінарскі курс: "Тэкстуальная крытыка і канон Новага запавету". Выкладчык: доктар багаслоўя (PhD, STD) Ірына Дубянецкая.

Біблія - фундаментальны культуратворчы тэкст. Гэта корпус тэкстаў нашай цывілізацыі, на інтэрпрэтацыях якога ўзнікалі і узнікаюць шматлікія духоўныя, інтэлектуальныя ды грамадскія інстытуцыі, школы і традыцыі і які, аднак, не спыняе ўражваць і натхняць усё новыя пакаленні даследчыкаў.

Навука і мастацтва інтэрпрэтацыі тэкстаў Бібліі, праца з імі ёсць сапраўдны унёсак у развіццё нацыянальнай і агульнай чалавечай культуры і мыслення. Але, што трэбы ведаць, якімі метадамі валодаць, каб сёння працаваць с тэкстамі Бібліі?

Прапанаваны курс знаёміць з базавымі прынцыпамі тэкстуальнай крытыкі і гісторыяй фармавання канону Новага запавету.  Але ня толькі знаёміць.  Засваенне першасных ведаў пра працу з тэкстамі Новага запавету будзе адразу спалучацца с спробамі першых крокі ў бібліістыке, у развіцці беларускіх веды ў гэтай сферы.

Курс арынтаваны на актыўную самастойную - індывідуальную і групавую - працу удзельнікаў  па даследванню пытанняў, звязаных з фамаваннем канону Новага запавету, праблем  тэкстуальнай крытыкі. Плануецца, што удзельнікі не толькі атрымаюць веды, але зробяць свой унёсак у развіццё беларускай думкі і культуры.

Курс разлічаны на 10 заняткаў (па пятніцах). Пачатак 20 красавіка, у 18.30.

Да удзелу запрашаюцца ўсе зацікаўленныя.

Для ўдзелу ў курсе неабходна даслаць ліст (да 16 красавіка) на адрас электронная пошты: [email protected] з наступнай інфармацыяй:

• прозвішча і імя ўдзельніка,
• месца працы ці навучання,
• ці былі Вы удзельнікам курсаў Ірыны Дубянецкай раней,
• кантактныя тэлефоны і адрас электроннай пошты.

17 красавіка ўсе  ўдзельнікі атрымаюць дадатковую інфармацыю пра месца правядзення заняткаў.