У Мінску абралі маршрут Чарнобыльскага шляха

Аргкамітэт Чарнобыльскага шляху зацвердзіў канчатковы маршрут акцыі шэсце плануецца правесці ад Акадэміі навук да пляцу Бангалор.

Таксама вызначыліся з спісам палітыкаў, якія ў аўторак пададуць заяўку ў Мінскі гарадскі выканаўчы камітэт. Гэта кіраўнік аргкамітэта “Чарнобыльскага шляху” Юры Хадыка, старшыня Партыі БНФ Аляксей Янукевіч, адказны сакратар аргакамітэта па стварэнні партыі “Беларуская Хрысціянская Дэмакратыя” Дзяніс Садоўскі, намесніца старшыні “Маладога Фронту” Наста Палажанка і эколаг Тацяна Новікава.

Мяркуецца, што сёлета Чарнобыльскі шлях пройдзе па традыцыйным маршруце, яно пачнецца 26 красавіка а 18:00, распавёў Аляксей Янукевіч. Збор на пляцоўцы абвешчаны каля будынку прэзідыюма Нацыянальнай акадэміі навук з 18:00 да 18:30, - потым шэсце па праспэкце Незалежнасці і вуліцы Сурганава да парку Дружбы народаў. Заяўнікі прасіць дазволу Мінгарвыканкама правесці там з 19:30 да 20:30 жалобны мітынг, перадае “Радыё Свабода”.

Адпаведныя дакуманты яны ўжо накіравалі ў выканвам.

Як раней паведамляла Служба інфармацыі “ЕўраБеларусі”, апошняя акцыя апазіцыі – святкаванне 25 сакавіка 94-й гадавіны ўтварэння Беларускай Народнай Рэспублікі – у Мінску прайшла з дазволу мінскіх уладаў.