Семінар-кансультацыя “Стварэнне і рэгістрацыя некамерцыйных арганізацый”

16 красавіка ў Мінску Цэнтр прававой трансфармацыі і Асамблея няўрадавых дэмакратычных арганізацый ладзяць семінар-кансультацыю “Стварэнне і рэгістрацыя некамерцыйных арганізацый”. Падчас семінара будуць разгледжаныя асноўныя арганізацыйна-прававыя формы некамерцыйных арганізацый ды іх адрозненні ў прававым статусе згодна з актуальным беларускім заканадаўствам. Удзельнікам будзе прадстаўлена інфармацыя адносна парадку ды практыкі рэгістрацыі грамадскіх аб’яднанняў, устаноў і фондаў, а таксама дадзеныя індывідуальныя кансультацыі ды парады па падрыхтоўцы рэгістрацыйных  дакументаў.

Трэнерамі на семінары будуць дасведчаныя юрысты ў галіне беларускага некамерцыйнага права: Вольга Смалянка, Цэнтр прававой трансфармацыі, Юрый Чавусаў, Асамблея НДА.

Да ўдзелу запрашаюцца прадстаўнікі ініцыятыўных груп з Мінску і рэгіёнаў, якія маюць намер распачаць працу па рэгістрацыі грамадскага аб’яднання альбо іншай некамерцыйнай арганізацыі. Удзельнікам з іншых гарадоў будуць кампенсаваныя транспартныя выдаткі.

Каб прыняць удзел, неабходна даслаць заяўку на два электронныя  адрасы: [email protected] ды [email protected]  з пазнакай у тэме ліста "Seminar2012". У заяўцы пазначце імя, прозвішча, месцажыхарства, тэлефон і, пры магчымасці, скайп кандыдата, назву арганізацыі альбо ініцыятывы, што ствараецца.

Семінар-кансультацыя адбудзецца  ў Мінску ў памяшканні Цэнтра прававой трансфармацыі (вул. Нававіленская, 38-10, другі паверх, уваход праз дзверы №16). Карту глядзіце ніжэй.

Рэгістрацыя ўдзельнікаў - з 12:00, пачатак - у 12:30 (працягласць - да чатырох гадзін).

Апошні тэрмін падачы заявак: 14 красавіка.

Таксама просім распаўсюдзіць інфармацыю сярод сваіх калег.