Шчукіну далі штрафу больш, чым яго падабаронным

Личности

Аршанскі гарадскі суд 30 сакавіка вырашыў пакараць праваабаронуцу і дэпутата Вярхоўнай Рады 13-га склікання Валера Шчукіна штрафам у памеры 1,19 млн. рублёў (каля 148 даляраў).

Па абвінавачанні ў дробным хуліганстве ён атрымаў штраф у 4 базавыя велічыні (140 тыс. рублёў), а за непадпарадкаваньне міліцыі — 30 базавых (1,05 млн. рублёў).

Паседжаннем кіравала суддзя Тацяна Рыбакова, у залю змаглі трапіць некалькі чалавек, папярэдне ім загадалі выключыць мабільныя тэлефоны. Міліцыянты не пускалі ў залю тых, хто меў пры сабе хоць якую тэхніку, перадае “Радыё Свабода”.

Сведкі-міліцыянты, якія затрымлівалі праваабаронцу, паведамілі ў судзе, што абвінавачванне Шчукіну гучыць так: “дробнае хуліганства ў выглядзе дэманстратыўнага ляжання на падлозе”.

Як раней паведамляла Служба інфармацыі “ЕўраБеларусі”, Валера Шчукіна затрымалі 29 сакавіка, калі ён намагаўся патрапіць на працэс апазіцыянераў Анатоля Лябедзькі, Сяргея Калякіна і Аляксандра Атрошчанкава. Праваабаронца паклаўся на падлогу і сваім целам заблакаваў дзверы на паверсе, дзе адбывалася паседжанне.

Валер Шчукін пратэставаў супраць таго, што працэс зрабілі закрытым. Пры затрыманьні праваабаронцу заявілі, што сваімі дзеяннямі ён замінае працы суду. Ноч 70-гадовы Шчукін правёў у ізалятары часовага ўтрымання. Па словах праваабаронцы, ён адчуваў сябе не вельмі добра.

Цікава, што Лябедзьку, Калякіна і Атрошчанкава аштрафавалі на 350 тыс. рублёў кожнага – тобок, Шчукіну прысудзілі штраф, большы усе тры разам узятыя.