Петэр Юнгэ-Вентруп: ЕС павінны спрасціць візавы рэжым з Беларуссю

Пра гэта заявіў кіраўнік справамі Дортмундскага міжнароднага адукацыйнага центра Петэр Юнгэ-Вентруп, выступаючы ў Мінскім міжнародным адукацыйным цэнтры імя Ёханэса Раў.

"Канешне, трэба, каб беларусы, маладзейшыя за 25 год, маглі знаёміцца з Еўрасаюзам і атрымліваць візы бясплатна. А для больш дарослых трэба знізіць кошт прынамсі напалову. Я сам як малады юнак жыў падчас халоднай вайны і ведаю, што гэта такое. Мы будзем весці гаворку з Міністэрствам замежных спраў у Берліне, у Лондане, каб дамагчыся лепшага. На вялікі жаль, сёння асобы, што працуюць у Нямеччыне, часта не могуць прыехаць сюды, і наадварот", - канстатаваў ён.

Разам з тым кіраўнік справамі Дортмундскага МАЦ выказаў меркаванне, што прадстаўнікам беларускіх уладаў, якім забаронены ўезд у ЕС, трэба дазволіць наведваць краіны Еўрасаюза для ўдзелу ў чарнобыльскіх праграмах.

Сітуацыя ж з былым нямецкім дырэктарам Мінскага МАЦ Астрыд Зам, якой нядаўна адмовілі ў праве на ўезд у Беларусь, па-ранейшаму застаецца невысветленай. "Астрыд хацела прымаць удзел у сённяшнім мерапрыемстве. Мы ўсе цэнім яе, яна шмат чаго зрабіла. Мы не ведаем, чаму яе не ўпусцілі ў краіну, і вядзем дыялог з МЗС Нямеччыны па гэтым пытанні", - праінфармаваў Петэр Юнгэ-Вентруп.