Украіна у тройцы экалагічных лідэраў Усходняга партнёрства

Аналитика и исследования

Сярод шасці краін Усходняга партнёрства Украіна займае трэцяе месца па Індэксе рэфармавання экалагічнай палітыкі.

Вынікі гэтага даследавання былі прадстаўлены дырэктарам Усеўкраінскай экалагічнай грамадскай арганізацыі "МАМА-86" Заранай Мішчук падчас экспертнай дыскусіі на платформе "УКРІНФАРМ": "У выніку даследаванняў быў сфарміраваны своеасаблівы рэйтынг, у якім пераможцам стала Арменія, другое месца заняла Малдова, Украіна аказалася на трэцім месцы”.

Паводле слоў Зараны Мішчук, праект даследаваў экалагічную палітыку Усходняга партнёрства не ў цэлым, а толькі ў плане адпаведнасці норм належнага кіравання навакольным асяроддзем у краінах УП. Для праекта былі абраныя эксперты з шасці краін Усходняга партнёрства, якія ацэньвалі кожную з шасці дзяржаў-партнёраў. У прыватнасці, ацэньваліся наступныя пытанні:

• умацаванне супрацоўніцтва з ЕС і аптымізацыя адміністрацыйных структур і працэдур;
• распрацоўка стратэгій і планаў;
• інтэграцыя экалагічнай палітыкі;
• ацэнка ўздзеяння на навакольнае асяроддзе;
• доступ грамадскасці да інфармацыі і яе ўдзел у працэсе прыняцця рашэнняў;
• супрацоўніцтва ў стварэнні агульнай экалагічнай інфармацыйнай сістэмы.

Варта адзначыць, што Украіна займае самыя нізкія пазіцыі ў пытаннях доступа да інфармацыі і ўплыва на навакольнае асяроддзе.

Уладзімір Білаконь, намеснік дырэктара Дэпартамента дзяржаўнай экалагічнай палітыкі і міжнароднай дзейнасці Міністэрства экалогіі і прыродных рэсурсаў адзначыў, што ў большасці выпадкаў ён згодны з такой ацэнкай украінскай экалагічнай палітыкі. У той жа час ён прызнаў, што адміністрацыйная рэформа аслабіла пазіцыі Украіны ў рэйтынгу:

"Мы ўсе добра ведаем, што ў цяперашні час праводзіцца аддзяленне нашых рэгіянальных падраздзяленняў ад міністэрскай структуры і іх перадача мясцовым адміністрацыям. Гэта вельмі балючы працэс, паколькі мы страчваем нашыя інфармацыйныя патокі і да гэтага часу не ведаем, да чаго гэта можа прывесці ў рамках абласных дзяржаўных адміністрацый".

Паводле: Ukraine among three ecological leaders of Eastern Partnership // UKRINFORM.