Дашкевіча пасадзілі ў ізалятар на месяц

Личности

Кіраўніцтва глыбоцкай калоніі № 13 змясціла старшыню “Маладога Фронта” Змітра Дашкевіча ў штрафной ізалятар на 30 дзён.

Пра гэта паведаміў адвакат маладога чалавека, які здолеў сустрэцца з ім на тыдні. Размова адбывалася праз шкло пад пільным кантролем супрацоўнікаў калоніі, што не дазвалялі размаўляць на любыя тэмы апроч тых, што маюць юрыдычны характар, піша сайт “Маладога Фронта”.

Таму палітвязень не здолеў патлумачыць, за што накладзеныя чарговыя спагнанні. Адміністрацыя калоніі спасылаецца на нібыта "невыканне патрабаванняў”.

Зміцер Дашкевіч ужо не аднойчы знаходзіўся ў ШІЗА, аднак на 30 днёняго не ізалявалі ніколі. Гэта сведчаць пра тое, што ціск толькі ўзмацняецца, лічаць сваякі і блізкія палітзняволенага.

Як раней паведамляла Служба інфармацыі “ЕўраБеларусі”, пра тое, што Змітра Дашкевіча ў калоніі імкнуцца трымаць у поўнай ізаляцыі, распавядала яго нарачоная Наста Палажанка.