Бензін падаражэў, але акцыі "Стоп-бензін" не будзе

На думку дырэктара Інфармацыйна-асветніцкай арганізацыі "За аўто" Арцёма Шаркова, людзі больш не гатовыя пратэставаць.

- А якія прычыны, каб нешта было? Няма на гэта ніякай нагоды, няма інтарэса такога ў людзей. Каб нешта гучна казаць, трэба спачатку пачуць іншы бок, зразумець, чаму так здарылася. Адпаведна людзі не хочуць нічога рабіць, няма настрою такога, - расказаў Арцём Шаркоў Еўрарадыё.

Ён лічыць, што акцыі пратэсту аўтамабілістаў могуць аднавіцца летам толькі ў тым выпадку, калі паліва працягне даражэць. І не на 5%, а на 10-15%.

Нагадаем, што ў ноч з 13 на 14 сакавіка канцэрн "Белнафтахім" падняў кошты на паліва ў сярэднім на 5%. Гэта першае падаражанне ў 2012 годзе. У 2011 годзе кошты на паліва паднімаліся шмат разоў, што выклікала гучныя акцыі пратэсту аўтамабілістаў.