У Шатландыі ўздымуць пытанне лёсу беларускай мовы

Эдынбурскі унівэрсытэт і тамтэйшы расійскі цэнтар княгіні Дашкавай 15 сакавіка правядзе навуковую канфэрэнцыю, прысвечаную прышласці беларускай і шатландскай моваў.

Навукоўцы абмяркуюць пытаньні моўнай сітуацыі ў абедзвюх краінах. “Разам з запрошанымі дакладчыкамі з Беларусі, ЗША і Шатландыі, на гэтай аднадзённай канферэнцыі будуць разглядацца паралелі ў стасунках і палітыцы адносна моўнай палітыкі ў Беларусі і Шатландыі”, - паведамілі ў Эдынбурскім універсітэце.

Прыняць удзел у мерапрыемстве запрашаюць усіх ахвотных, асабліва студэнтаў.

У канфэрэнцыі, сярод іншых, возьмуць удзел шатляндзкія прафэсары Дру Скот і Дэрык МакКлюр, акадэмічны дырэктар цэнтра княгіні Дашкавай Лара Разанава-Клар, складальніца шатландскіх слоўнікаў Крыстына Робінсан, амерыканскі лінгвіст Курт Вулхайзэр, выкладчыцы Мінскага дзяржаўнага унівэрсытэта Зінаіда Харытончык і Унівэрсытэта Заходняга Мічыгану ў ЗША Алена Гапава, а таксама амбасадар Беларусі ў Вялікабрытаніі Аляксандар Міхневіч.