Амбасадар Швецыі абяцае вярнуцца ў Беларусь

Личности

Кіраўнік швэцкай дапмісіі ў Беларусі Стэфан Эрыксан спадзяецца хутка вярнуцца ў Мінск. Пра гэта паведаміла вядомая беларуская паэтка Валярына Кустава.

“Напісала Стэфану, што я, як і Малы з мульціка, веру, што ён, як і Карлсан, вернецца. Стэфан суцешыў смс: "Эрыксан, як і Карлсан, абавязкова вернецца!" - паведаміла дзяўчына на сваёй старонцы ў Facebook.

“Амбасадар сказаў - амбасадар зробіць”, - перакананая Валярына Кустава.

Стэфан Эрыксан з'яўляецца адзіным кіраўніком замежнай дыпмісіі ў Беларусі, які свабодна валодае беларускай мовай. 

Як раней паведамляла Служба інфармацыі "ЕўраБеларусі", беларускае міністэрства замежных спраў 28 лютага праінфармавала, што кіраўніку Прадстаўніцтва ЕС и амбасадару Польшчы ў Мінску рэкамендавана "выехаць у свае сталіцы для кансультацый, каб давесці свайму кіраўніцтву цвёрдую пазіцыю беларусскага боку пра непрымальнасць ціску і санкцый".

У адказ на гэта Еўрасаюз прыняў рашэнне на знак салідарнасці і еднасці адклікаць з Мінску амбасадараў усіх сваіх краінаў у іх сталіцы для кансультацый. Акрамя таго, 1 сакавіка ў Бруселі абмяркуюць мажлівасць узмацнення санкцый супраць беларускіх улад.