Даследаванне "Ці з'яўляюцца незалежныя прафсаюзы Беларусі рухавіком сацыяльных рэформ?"

Аналитика и исследования

Цэнтр Усходне-Еўрапейскіх даследванняў пры садзейнічанні Еўрапейскага Саюза апублікаваў даследванне, створанае камандай даследчыкаў: Сяргеем Альферам, кандыдатам юрыдычных навук, дырэктарам Таварыства параўнальна-прававых даследаванняў, дацэнтам Беларускага інстытута правазнаўства, і Аляксеем Казловым, кандыдатам эканамічных навук, дацэнтам Беларускага дзяржаўнага тэхналагічнага універсітэта.

Даследаванне накіраванае на вывучэнне сітуацыі, якая склалася ўнутры дэмакратычнага прафсаюзнага руха Беларусі, і прапануе шляхі эфектыўнага выкарыстання патэнцыялу незалежных прафсаюзных арганізацый на шляху фарміравання грамадскай думкі ў краіне і ў справе ўмацавання правоў чалавека і дэмакратычнай культуры Беларусі.

У публікацыі вывучаюцца магчымасці ўзаемадзеяння і камунікацыі прафсаюзаў з іншымі суб'ектамі грамадзянскай супольнасці, з афіцыйнымі арганізацыямі і прыўладнымі ўстановамі. Метады глыбіннага інтэрв'ю і экспертнага апытання дапамагаюць выявіць прычыны слабога ўзаемадзеяння ўнутры дэмакратычных прафсаюзаў і праблемы недастатковага супрацоўніцтва паміж імі.

Мэтавай групай апытання былі сябры і кіраўнікі незалежных дэмакратычных прафсаюзаў Беларусі, прадстаўнікі іншых няўрадавых арганізацый, створаных у іх рамках (усяго 31 рэспандэнт). Апытанне было праведзенае ў чэрвені-ліпені 2011 года.

На аснове даследавання аўтары прапануюць рэкамендацыі для стратэгічнага ўзаемадзеяння і супрацоўніцтва лідэраў прафсаюзаў, паспяховага развіцця грамадзянскай супольнасці ў Беларусі, узмацнення ролі грамадскіх арганізацый і, перш за ўсё, незалежных аб'яднанняў і прафсаюзаў у грамадскім жыцці краіны.

Поўную версію даследвання можна будзе прачытаць у хуткім часе на сайце: www.eesc.lt.

Паводле: The study “Are the Independent Democratic Trade Unions of Belarus the Engine of Social Reforms?“ has just been published // Eastern Europe Studies Centre.