Жарсці вакол парка 40-годдзя Кастрычніка не сціхаюць

О нас в медиа

Мінскія гарадскія ўлады завершылі запланаваную высечку дрэў у парку 40-годдзя Кастрычніка і зараз збіраюцца рыць катлаван, а потым закладваць фундамент пад будаўніцтва гасцінічнага комплекса “Пекін”.

Дзмітрый Табакін, намеснік кіраўніка адміністрацыі Ленінскага раёна, на тэрыторыі якой месціцца парк, кажа, што спыніць будаўнітцва гасцініцы ўжо немагчыма.

- Загадзя глядзелі, як можна размясціць гасцініцу так, каб высекчы мінімальную колькасць дрэў. Мы спыніліся на гэтым варыянце, таму што іншае месцазнаходжанне на гэтай тэрыторыі, пацягне за сабой яшчэ большую вырубку дрэў. Разам з тым, пачынаючы ад падрыхтоўкі ўсёй дакументацыі на будаўніцтва, усё адпавядае дзейснаму заканадаўству.

Аднак мясцовыя жыхары і эколагі гатовыя бараніць парк да канца. Яны прапануюць перанесці будоўлю на закінутыя прамысловыя тэрыторыі завода імя Кірава, якія знаходзяцца побач, а высечаныя дрэвы аднавіць. Сябра Грамадскага аб’днання “Экадом” Таццяна Новікава заклікае гарадскія ўлады прызнаць здзейсненую памылку і нарэшце прыслухацца да голасу мясцовых жыхароў.

- У прыватнасці можна сказаць, што ў завода імя Кірава, у закінутых карпусоў няма ўладальніка. Мы хочам гэтую зону акультурыць, хочам яе добраўпарадкаваць, мы хочам знесці гэтыя корпусы. Мы гатовыя весці далейшую размову з кітайскім інвестарам, каб перанесці гэтую ўстанову менавіта туды. А тую частку парку, якую высеклі, каб яе проста аднавілі. Гэта быў бы самы канструктыўны, самы спрыяльны, самы аптымістычны выхад з сітуацыі, якая склалася. На погляд прадстаўнікоў экалагічных арганізацый, гэта зрабіць проста неабходна.

Між тым, прадстаўнікі экалагічных арганізацый збіраюцца падаваць на гарадскія ўлады ў суд, каб абараніць сваё права на спрыяльнае навакольнае асяроддзе, бо лічаць парк 40-годдзя Кастрычніка важнай часткай “зялёных лёгкіх” Мінска.

Крыніца