Усходнееўрапейская школа палітычных даследаванняў аб’яўляе конкурс

Усходнееўрапейская школа палітычных даследаванняў сумесна з Саветам Еўропы аб’яўляе набор слухачоў на 2012 год для грамадзян Рэспублікі Беларусь узростам да 35 год.

Заняткі будуць праводзіцца ў выглядзе трох альбо чатырох сесій, першую з якіх плануецца правесці ў канцы сакавіка 2012 года, а апошнюю - у кастрычніку 2012 года ў Страсбургу (Сусветны страстургскі форум за дэмакратыю). Кожная сесія будзе доўжыцца тры-чатыры дні. Паміж сесіямі плануецца ўдзел слухачоў у даследчых праграмах і мерапрыемствах па распаўсюджванні атрыманых ведаў. Слухачы, якія паспяхова пройдуць курс навучання, атрымаюць дыплом Савета Еўропы.

У тэматыку заняткаў уваходзяць пытанні еўрапейскай інтэграцыі і еўрапейскіх каштоўнасцяў, узаемаадносін еўрапейскіх структур і краін СНД,  сацыяльна-эканамічнага і палітычнага развіцця Беларусі і іншых краін.

У якасці выкладчыкаў выступяць эксперты з ЕС, СНД, Беларусі і іншых краін, будуць арганізаваныя дыскусіі, круглыя сталы, трэнінгі.

Да ўдзелу запрашаюцца прадстаўнікі дзяржаўных выбарных і адміністрацыйных органаў, дзяржаўных устаноў, прадстаўнікі недзяржаўнага сектара эканомікі, грамадскіх аб'яднанняў, дзеячы навукі і адукацыі, журналісты, палітыкі, палітолагі, эканамісты, юрысты ва ўзросце да 35 гадоў, якія маюць значныя дасягненні ў прафесійнай і грамадскай дзейнасці. Як правіла, для ўдзелу неабходна мець вышэйшую адукацыю.

Больш падрабязную інфармацыю пра Савет Еўропы і Школы палітычных даследаванняў можна знайсці на сайце Савета Еўропы: www.coe.int..

Адбор удзельнікаў здзяйсняецца на падставе анкет. Анкеты неабходна выслаць у электроннай форме па адрасе: [email protected] да 20 лютага 2012 года (форма анкеты-заяўкі прыкладаецца).

Анкета 

Аб Усходнееўрапейскай школе палітычных даследванняў