Танкачова: Стужынская агучыла выключна сваё асабістае меркаванне

О нас в медиа

"Офіс за дэмакратычную Беларусь", што месціцца ў Бруселі, прапанаваў імёны, якія можна было б патэнцыйна выключыць з "чорнага спісу" Еўрасаюза і агучыў іх у еўрапейскіх інстытутах.

"Спіс кандыдатаў на выключэнне быў падрыхтаваны ў кансультацыі з беларускімі і міжнароднымі грамадскімі арганізацыямі. Імёны ўключаныя ў яго, не могуць быць раскрытыя без іх папярэдняй згоды", - чытаем ў заяве "Офіса за дэмакратычную Беларусь". Старшыня Цэнтра прававой трансфармацыі Алена Танкачова адзанчае, што ні праваабарончая арганізацыя, якую яна ўзначальвае, ні сем'і палітвязняў не прымалі ўдзелу ў кансультацыях па гэтым пытанні.

"Спадарыня Стужынская ў дадзеным выпадку агучвала свой пункт гледжання, які ніякім чынам не быў абмеркаваны і не ўзгоднены папярэдне ў асяродку беларускіх грамадскіх арганізацый. Механізмаў для такога абмеркавання дастаткова, ніякага публічнага абмеркавання з гэтай нагоды не было, спадарыня Стужынская, па-мойму, агучыла выключна сваё асабістае меркаванне, якое выклікала крытыку ў асяродку беларускай незалежнай прэсы, гэта, канешне ж, выклікае дадатковую насцярожанасць", - сказала Алена Танкачова ў інтэрв'ю Радыё Рацыя.

"Офіс за дэмакратычную Беларусь" распаўсюдзіў заяву адносна спісу неўязных беларускіх чыноўнікаў.

"Зважаючы на той факт, што Еўрапейскі Саюз не мае намеру ўводзіць сапраўдныя эканамічныя санкцыі дзеля аказання ціску на беларускія ўлады, шэраг беларускіх арганізацый і палітыкаў палічылі, што ўнясенне зменаў у так званы "чорны спіс“ наблізіць час вызвалення палітычных вязняў у Беларусі", - чытаем ў разпаўсюджанай заяве.