Праваабаронцу Волчака прысудзілі да арышту

Личности

У панядзелак, 30 студзеня, суд Цэнтральнага раёна Мінска прыняў рашэнне арыштаваць праваабаронцу Алега Волчака на чацвёра сутак. Такі прысуд вынес суддзя Аляксандар Якунчыхін, палічыўшы Волчака вінаватым у адміністрацыйным правапарцшэнні.

Праваабаронцу затрымалі ў цэнтры Мінска 27 студзеня. Паколькі ў чаканні суда ён правёў тры дні за кратамі, Алегу Волчаку засталося адзядзець яшчэ адні суткі, перадае Радыё Свабода.

Сведкам па справе Волчака выступаў мясцовы намеснік начальніка міліцыі Артур Шахлай. Ён заявіў, што калі праваабаронцу затрымалі на вуліцы ў пятніцу, ён пачаў лаяцца матам. Іншыя сведкі, супрацоўнікі МУС, заявілі, што затрымалі праваабаронцу па падазрэнні ў незаконным гандлі. Маўляў, Алег Волчак ішоў па вуліцы з вялікай торбай.

Алег Волчак пацвердзіў, што супрацоўнікі міліцыі некаторы час сачылі за ім, і толькі пасля затрымалі. Аднак ён заявіў, што не лаяўся матам.

Суддзя адмовіўся азнаёміць Волчака з адпаведнымі пратаколамі, таксама ён забараніў ажыццяўляць падчас паседжання гуказапіс.

Да суда Алег Волчак знаходзіўся ў камеры з двума бамжамі. Тыя паведамілі журналістам, што камера была вельмі халоднай, а харчаванне - кепскім. Сукамернікі праваабаронцы дадалі, што справай Алега Волчака займаўся асабіста кіраўнік міліцыі Цэнтральнага раёну.