Дапаможам разам Рыгору Барадуліну!

Личности

Глед Лабадзенка піша на сваім сайце:

Сябры, у 2008 годзе мы з вамі правялі шыкоўную акцыю салідарнасці з Народным паэтам Беларусі Рыгорам Барадуліным. У акцыі тады ўзяло ўдзел некалькі сотняў чалавек, было распаўсюджана пад 500 кніг, сабраная істотная дапамога дзядзьку Рыгору.

 З таго часу сітуацыя не змянілася, таму настаў час паўтарыць гэтую акцыю салідарнасці з Рыгорам Барадуліным, а значыцца - з беларускай літаратурай у ягонай асобе, з беларушчынай.
Як і тады, паўтаруся:

1. Рыгор Барадулін не прасіў пра гэта. Гэта мая ініцыятыва, якую я ажыццяўляю з ягонага дазволу.

2. Акцыя праводзіцца не таму, што Рыгору Барадуліну "няма чаго есці" (як гэта спрабавала выставіць адная вар'ятка мінулы раз), а таму, што паэт жыве сціпла, за званне "Народны паэт" атрымлівае даплату 105 тысяч рублёў. І калі мы можам выказаць яму сваю любоў і падзяку не толькі на словах, чаму гэтага не зрабіць?

3. Гэта - не акцыя па продажы кніг. Вы складаеце ахвяраванне, а за гэта атрымліваеце ў падарунак кнігу з аўтографам Рыгора Барадуліна.

Такім чынам, умовы акцыі:

•  У дзядзькі Рыгора назбіралася каля 200 розных кніг з ліку тых, што выходзілі апошнім часам.

• Акцыя будзе праводзіцца пакуль не скончацца гэтыя кнігі

Схема ўдзелу такая:

• Вы дасылаеце імэйл на адрас: [email protected] са сваім намерам (тэма ліста "Барадулін-акцыя"), дзе пазначаеце:

- сваё імя і прозвішча (каму падпісваць)

- пажаданую кнігу (з ліку прыведзеных ніжэй)

- свой імэйл

- нумар свойго мабільнага тэлефона

- памер свайго ахвяравання

• Атрымаўшы ваш імэйл, я паведамляю дадатковыя ўмовы: як можна здзейсніць ахвяраванне.

• Па меры правядзення акцыі, Рыгор Барадулін будзе падпісваць кнігі. Як толькі кнігі скончацца, кожны ўдзельнік атрымае ліст з пазнакай, як можна забраць кнігу. Як і ў мінулы раз, кнігі будуць раздавацца цэнтралізавана: у пэўны час, у пэўным месцы.

• Памер ахвяраваньня - асабістая справа кожнага. Улічваючы цяперашнія курсы долара і эканамічныя ўмовы, пажаданы памер: ад 50 тысяч рублёў. Пры такім разліку, удасца сабраць больш-менш прыстойную суму на некаторы час. Аднак гэта не значыцца, што калі ў вас ёсць магчымасць скласці толькі 20 тысяч рублёў, то вам будзе адмоўлена.

Памятайце, што акцыя мае 2 мэты:

• Выказаць салідарнасьць любімаму паэту.

• Сабраць яму найбольшую дапамогу.

 

КНІГІ, ВЫСТАЎЛЕНЫЯ НА АКЦЫЮ:
(Не крыўдуйце, калі не хопіць канкрэтнай кнігі, бо некаторых мала - будзе прапанаваная іншая.)

 

90 асобнікаў: 2011 год, 243 старонкі, пераклады яўрэйскіх паэтаў Беларусі, прысвячэнні ім, зацемкі на яўрэйскія тэмы.

 

16 асобнікаў: 2010 год, вершы ў арыгінале + пераклады на рускую мову, 511 старонак, цьвёрдая вокладка.

 

36 асобнікаў: 2009 год, 275 старонак, фармат А4, ліставанне паэта з мамай: 1954-1971.

 

35 асобнікаў: 2010 год, 107 старонак, супервокладка, рэпрынтнае выданьне ПЕРШАЙ кнігі Рыгора Барадуліна 1959 году. у кнізе захаваны аўтограф паэта сваёй маме.

 

Апроч гэтага, ёсць некаторыя асобнікі старых кніг паэта. Калі вас цікавіць нейкая канкрэтная кніга, пытайцеся.

 

Пра акцыю 2008 года можна пачытаць тут: 

http://labadzenka.by/?p=1067
http://labadzenka.by/?p=1077
http://labadzenka.by/?p=1074
http://labadzenka.by/?p=1078
http://labadzenka.by/?p=1089
http://labadzenka.by/?p=1092
http://labadzenka.by/?p=1100
http://labadzenka.by/?p=1102
http://labadzenka.by/?p=1116