Андрэй Ягораў: Знешнепалітычны імідж Беларусі робіцца больш пазітыўным

Адпаведны ўказ Аляксандр Лукашэнка падпісаў 24 ліпеня.

Указ Аляксандра Лукашэнкі з’явіўся на другі дзень пасля тэлефонных перамоваў з расійскім прэзідэнтам Уладзімірам Пуціным.

Ці мае гэтае рашэнне беларускага боку аб павелічэнні бязвізу для іншаземцаў палітычны характар і як яго будзе ўспрымаць Расія?

Дырэктар Цэнтра еўрапейскай трансфармацыі, палітолаг Андрэй Ягораў кажа ў інтэрв’ю "Свабодзе", што палітычныя нюансы ў гэтым рашэнні ёсць, але хутчэй яно прадыктавана эканамічнымі прычынамі:

"Яно звязана з тым, што 5-дзённы бязвізавы рэжым дастаткова добра працаваў і колькасць турыстаў павялічвалася. І гэта было матывацыяй для такога рашэння. Але палітычны аспект звязаны з тым, што праз павелічэнне тэрміну і спрашчэнне працэдуры ўезду ў Беларусь для замежнікаў Беларусь дэманструе большую адкрытасьць свету. І гэта ўплывае на яе знешнепалітычны імідж, робіць яго больш пазітыўным”.

Паводле Андрэя Ягорава, у Расіі будуць не вельмі задаволеныя гэтым рашэннем беларускага боку:

“Але цяпер гэта не тая прычына, дзеля якой адносіны паміж Беларуссю і Расіяй могуць моцна ўскладніцца”.