Брутальная зачыстка ў Мінску: каля тысячы чалавек апынуліся ў пастарунках

Праваабаронцы налічылі ў Першамайскім РУУС Мінска звыш 120 чалавек, у Маскоўскім РУУС – 120, каля паўсотні затрыманых знаходзяцца ў Цэнтральным РАУС, больш за 200 – у Заводскім РАУС, прыкладна гэтулькі ж – у Савецкім райаддзеле міліцыі.

Колькасць затрыманых набліжаецца да тысячы.

Варта нагадаць, што ў часе прэвентыўных затрыманняў за кратамі апынуліся каля 300 чалавек, адначасова арыштаваныя 26 чалавек па так званай крымінальнай справе “аб масавых беспарадках”.

Затрыманні ў рэгіёнах

У Брэсце затрымалі Паліну Шарэнда-Панасюк, удзельніцу Маршаў недармаедаў. сведкі здарэння кажуць, што затрымалі каля 13-ай гадзіны побач з домам і звезлі ў невядомым кірунку, паведамляе ПЦ "Вясна".

У Гомелі таксама затрыманы адзін з лідараў апазіцыі  Васіль Палякоў.

У Гомелі затрыманыя карэспандэнты TUT.BY Іван Ярывановіч і Алена Бычкова.

У Чыгуначным РАУСе Гомеля – журналіст Алена Германовіч, Аляксандр Процка - АГП, і Уладзіслаў Шкандратаў, усяго каля 10 чалавек.

Падчас мітынгу ў Гомлі быў затрыманы карэспандэнт Нашай Нівы Андрэй Мядзведзеў з Рэчыцы. Адвезены ў Рэчыцкі РАУС для дачы тлумачэнняў. Адпушчаны ў 15.30.

На недазволенай акцыі ў Віцебску адбыліся шматлікія затрыманні.

Па заканчэнні затрымалі сябра БНФ Леаніда Аўтухова. 

У Віцебску ў Кастрычніцкім РАУС знаходзіцца здымачная група тэлеканалу «Белсат» — Вольга Чайчыц і Андрэй Козел.

У Вiцебску затрымалi журналiста Радыё Рацыя Арцёма Сiзiнцава.

Стала вядома, што затрыманы актывіст Камароўскі Улад, 19 гадоў. Змешчаны ў ІВС.

Па неправеранай інфармацыі таксама ў Віцебску затрыманы Хрыстафор Жаляпаў - сябра БНФ.