МЗС: Беларусь не выйдзе з АДКБ

"Беларусь свой выбар зрабіла. А прапановы выключыць нашу краіну з АДКБ не маюць пад сабой прававой базы", - пракаментаваў ён прапановы некаторых дэпутатаў парламенту Арменіі аб выключэнні Беларусі з Арганізацыі Дамовы аб калектыўнай бяспецы.

На думку армянскіх парламентароў, экстрадыцыя Аляксандра Лапшына паказвае, што Беларусь не зацікаўленая ў супрацоўніцтве з іншымі чальцамі АДКБ, і таму наспеў час выключыць Беларусь з гэтай міжнароднай арганізацыі.

Мірончык таксама сказаў, што сёння ён упершыню звяртаецца да тэмы Аляксандра Лапшына, але не таму, што ён не ведае сітуацыі.

"Справа ў тым, што гэтая сітуацыя абсалютна прававая, і вырашалі яе судовыя інстанцыі Беларусі. Дэпартацыя — гэта прававая норма, і Беларусь добрасумленна яе выканала", - адзначыў ён, паведамляе "Радыё Свабода".